Bïhkedimmie

Lohkh b. 7-8 bïhkedimmesne jïh vaestedh dejtie gyhtjelasside/naaken dejstie gyhtjelassijste: 

• Guktie domtesh vuesehtem/vuesiehtibie voengesne, maanagïertesne? Mejtie nuhtjem/nuhtjebe saemien vuekien lahtesh aarkebiejjien barkosne?  

• Guktie maahtam/maehtebe saemien maanah jïh noerh saemien perspektijveste ööhpehtidh? Guktie saemien aerpieh maehtieh maadtosne årrodh mov/mijjen maanagïertesne? Guktie saemien vuekieh jïh aerpieh ööhpehtimmesne tjirkem/tjirkebe?  

• Magkerh nuepieh åtnam/utnebe dååjrehtimmes lïerehtimmine barkedh?  

• Guktie maahtam/maehtebe ööhpehtimmiem sjïehtesjidh? Magkerh darjomh buerie lïerehtimmiebyjreskh skaepiedieh? 

Bïhkedimmesne gååvnese raeriestimmieh darjoemidie, gærjalæstoem, lienghkh jïh jeatjah raerieh learoevierhtide.  

Voestesgïeleldh maanagïertemaanah jeatjah daarpoeh utnieh enn v.g. mubpiegïelh maanagïertemaanah. Lohkehtimmie tjuara sjïehtesjidh ovmessie aalteridie jïh gïeledaltesidie, jïh guktie lohkehtimmiem öörnedh.  

Tjoerebe mujhtedh maanah jïh noerh leah joekehts jïh ij lea gaajhkesidie dan aelhkie ovmessie domtesi bïjre soptsestidh. Dijjieh tjoerede jïjtje nænnoestidh, mij lea sjiehteles barkoevuekiem dijjien luvnie.  

Gaaltije:
Domtesh - Bïhkedimmie maanagïertese jïh skuvlese | Ovttas/Aktan/Aktesne