Ságastallan: Addit vejolašvuođa

Oahppoplánaid bajitoasis lea oahpahusa árvovuođus čállojuvvon: “Sámi skuvla galgá láhčit dili nu ahte oahppit ožžot oahpahusa mas sámi árvvut ja sámegiella, sámi kultuvra ja servodateallin lea vuođđun.” 

Árvvoštala čuovvovaččat: 

• Man dávjá dárbbahit du oahppit sámástit skuvllas?
• Lea go bággu čađahit oahpahusa eará gillii go sámegillii?
• Mo don čanat lohkama ja čállima du oahpahussii oahpahusplánaid bokte, ja man guovddážis leat dat du oahpahusas?
• Lea go din skuvlla práksis mo ovdánahttit ohppiid lohkan- ja čállingálggaid čielggas? Leat go bealit maid berrešii buoridit/ovdánahttit?

Digaštallabehtet dastto skuvlla lohkan- ja čállingálggaid ovdánahttin plána: Leago dárbu oktasaš plánii maid oahpaheaddjit sáhttet atnit vuođđun oahpahussii? Leago dárbu dan buoridit? Masá galggašii bidjat eanet deattu plánas?